Heimsókn, annarlok og vorfrí…

Ég var búinn að lofa færslu um heimsókn þeirra Ásgeirs og Huldu hingað til San Francisco og ætla ég nú að standa við það, þó svo að ég á að vera að vinna í tveimur ritgerðum sem ég á að skila á laugardaginn… skilaði einu 28 bls. skilaverkefni í gær og bara nenni svo ekki að gera neitt í dag.. en það er bara vika eftir af önninni og svo tekur við tveggja vikna vorfrí – alveg í lagi!

Ásgeir og Hulda komu hingað til mín á Greenwich street seint á fimmtudagskvöldi eftir örugglega svona 16 tíma ferðalag.. þá var lítið annað í stöðunni en að koma sér bara í háttinn og reyna að sofa úr sér ferðaþreytuna og safna orku fyrir hina klukkutíma-fyrir-klukkutíma dagskrá sem ég var búin að gera fyrir þau… Við vöknuðum “snemma” á föstudagsmorgninum, ég bauð upp á morgunmat í holunni minni hérna og svo var haldið af stað.. á föstudeginum náðum við að covera: sveigðustu götu heim, röltum í gegnum fisherman’s wharf, förum upp í Coit Tower og sáum yfir alla borgina, röltuðum í gegnum Chinatown þar sem við borðuðum geggjaðan mat, en þaðan lá ferðin út í Alcatraz. Það var alveg mönguð upplifun að koma þangað, hlustuðum á mjög vandaðan audio tour sem leiddi okkur í gegnum fangelsið og útsýnið yfir borgina frá eynni er mjög flott.. Ég mæli tvímannalaust með að fólk fari kvöldferðina til Alcatraz! Eftir það fórum við á rosalega vinsælan og góðan ítalskan stað í North Beach sem er “little Italy” hérna í borginni.. þurftum að bíða í tæpan klukkutíma eftir borði en það var vel þess virði.. eftir það var bara haldið heim á leið enda búin að afreka miklu fyrsta virka dag heimsóknarinnar..

Á laugardeginum var svo haldið norður fyrir borgina eða í vínsmökkunarferð um Napa og Sonoma vínhéruðin.. lagt var af stað frá borginni klukkan 9 um morgunin og við komum aftur til borgarinnar um 4-5 leitið.. við stoppuðum hjá þremur vínframleiðendum og fengum að smakka.. vínið á fyrsta staðnum var mjög gott en vínið fór eiginlega versnandi eftir það.. kannski þeir geri ráð fyrir að fólk sé orðið svo drukkið að það taki ekki eftir því.. en umhverfið varð samt alltaf fallegra og fallegra og ég mun pottþétt fara þangað uppeftir aftur við tækifæri.. einnig var stoppað í miðbæ Sonoma í hádegismat sem var alveg ágætt.. þegar það var svo komið til borgarinnar aftur tókum við smá rölt um hverfið mitt hérna og seinna um kvöldið skelltum við okkur svo aðeins út á lífið enda ekki annað hægt í San Francisco á laugardagskvöldi..

Sunnudagurinn var síst planaður í heimókninni.. við horfðum á leik í háskólakörfuboltanum á sport bar hérna rétt hjá mér, fórum svo smá verslunarleiðangur downtown og enduðum á að fá okkur að borða á Cheesecake Factory við Union Square þar sem við fengum okkur að sjálfsögðu ostaköku í eftirrétt og var ekki séð eftir því..

Á mánudeginum löbbuðum langleiðina yfir Golden Gate brúnna og fórum svo niðrí Golden Gate Park þar sem við fórum á California Academy of Science sem er nokkurskonar náttúruvísinda -safn/rannsóknarmiðstöð.. síðan var skóli hjá mér á mánudagskvöldina þannig að þau fengu aðeins meiri tíma til að versla og fá sér sushi downtown..

Á þriðjudeginum skoðuðum við hippagötuna Haight street og horfðum að sjálfsögðu á meistaradeildina… fórum þaðan niðrí Mission sem er latino hverfið og fengum okkur burrito en þeir þykja einna bestir þarna.. ég var svo líka í tíma á þriðjudagskvöldinu en þau gátu kíkt aðeins meira í búðir en fóru svo út að borða á mjög flottan víetnamskan stað á Ghiradelli Square og fengu sér súkkulaði eftirrétt, eitthvað sem Ghiradelli eru þekktir fyrir…

Á miðvikudeginum horfðum við svo líka á meistaradeildina, skoðuðum The Painted Ladies, frægahúsaröð sem byggð eru í Viktoríustílnum.. þaðan var haldið downtown þar sem gerð var lokatilraun við búðirnar.. eftir að hafa klárað það hoppuðum við upp í Cable Car, sem tók okkur að Swensens ísbúðinni en þar var að sjálfsögðu splæst á ís í sólinni og við röltum þaðan heim enda flug hjá þeim til Boston nokkrum tímum seinna…

Það var alveg ótrúlega gaman að fá þau í heimsókn hingað.. bæði til að gefa þeim smá innsýn inn í það líf sem ég lifi hérna og til að fá að upplifa og fara á staði sem ég hafði ekki farið á áður í þessari geggjuðu borg! Þau eiga bestu þakkir fyrir að hafa verið snilldarfélagsskapur enda ekki við öðru að búast… hvet ég alla sem eiga möguleika á og langar til að leggja á sig ferðalag til Californiu til að skella sér upp í næstu vél því það er svo gaman að fá heimsóknir og njóta þess að vera hér í góðum félagsskap… er alveg viss um að Ásgeir og Hulda hafi notið þess nema þau hafi verið að ljúga að mér.. væri svo sem líkt þeim

Allar myndirnar sem ég tók á meðan á heimsókninni stóð eru að finna hér: http://picasaweb.google.com/tomas.adal/

Eftir heimsóknina var náttúrulega heilmikil heimavinna sem beið mín því ég var ekkert búinn að læra í viku þannig að núna er ég bara búinn að vera upp fyrir haus.. önnin er að klárast og ég að leggja lokahönd á síðustu ritgerðirnar og verkefnin, blessunarlega engin lokapróf á þessari önn.. en önnin klárast sem sagt á þriðjudaginn næsta og þá tekur við tveggja vikna frí.. ég fer strax á fimmtudaginn niður til LA og svo þaðan til Santa Barbara þar sem ég hitti tvo félaga mína þar og vini þeirra… við erum svo eitthvað að skoða hvað við ætlum að gera en ætlunin er allaveganna að spila eitthvað golf, jafnvel skoða einhverja þjóðgarða, kannski fara og skoða Grand Canyon með viðkomu í Las Vegas sem væri mjög spennandi.. það er nóg hægt að gera.. þannig að við eigum bara eftir að ákveða hvað…

Nú er bara að koma sér í lokatörnina í ritgerðarskrifum og gera svo eitthvað gott í tvær vikur áður en næsta önn byrjar svo..

Stay tuned for spring break adventures in California!!!

Fjör framundan…

Nú er komið nóg af kvörtunum… ég verð að skrifa eitthvað. Það er sem sagt bara búið að vera ótrúlega mikið að gera í skólanum hjá mér og það sem mig langar síst til að gera þegar ég var að koma úr tíma, er að fara í tíma, að byrja á nýju skilaverkefni eða nýbúinn að klára – það er að fara að blogga um skólann! Allur febrúar mánuður fór í að læra.. Mér tókst að fara einn dag til Berkeley (c.a. 30 min frá San Francisco) að hitta tvo félaga mína þar. Þeir eru í skóla í Santa Barbara (rétt hjá LA í suður Kaliforníu) og komu hingað norðar í fylkið eina helgina og við skelktum okkur einn golfhring, ég á strigaskóm og fékk svo lánaðar kylfur frá þeim… já, árangurinn var eftir því! Til þess að komast til Berkeley að hitta þá þurfti ég púsla hlutum ansi vel saman sem varð svo til að ég gleymdi myndavélinni..

Það er sem sagt hin ástæðan fyrir því að ég hef ekki þorað að blogga.. ég hef ekki tekið eina einustu mynd síðan síðast.. ég veit, frekar sorglegt.. ég hef bara ekki gefið mér tíma til þess, er annað hvort að læra eða það er rigning!! Í veðurparadísinni í Kaliforníu rignir víst líka.. og það ekki lítið! Eftir frábært veður frá september fram í janúar er nánast búið að rigna stanslaust.. hver “stormurinn” á fætur öðrum.. En ég á víst að geta huggað mig við það að í júní, júlí og ágúst rignir víst ekki neitt.. svo á að byrja að vor núna strax upp úr miðjum mars þannig að ég er bara farinn að hlakka til að fá smá sól og almennilegan hita.. ekki þetta 10-15 stiga rugl.. ég kom ekki alla leið til Kaliforníu fyrir þetta!

Á sunnudaginn fór ég í annað sinn á NBA leik í Oracle arena.. fór að sjá Golden State Warriors taka á móti Utah Jazz með einum félaga mínum hérna.. þessir leikir eru svo mikil snilld, ég væri svo til í að eignast ársmiða á heimaleiki Golden State en það kostar víst hálfa hendina og tvær tær… félagi minn hefur verið duglegur að finna og bjóða í miða á ebay og t.d. á þennan leik fengum við miða í 15. röð sem áttu að kosta 80 dollara á 28 dollara – frekar góður díll! Því miður töpuðu Golden State eins og svo oft áður en spennandi leikur alveg fram að leiks lokum engu að síður.. Við í bekknum vorum svo heppin að fá einn af þjálfurum Golden State til að koma í tíma til okkar og segja okkur aðeins frá sínum störfum.. hann fór einmitt í gegnum þetta sama nám og við á sínum tíma og vera því mjög fróðlegt að heyra hvernig hann hefur nýtt sér það.. síðan fengum við að spurja hann aðeins út í leikmennina og ég skaut því á hann hvernig stæði nú á því að liðið væri alltaf að tapa í síðasta leikfjórðungnum eftir að hafa leitt allan leikinn.. hann bað mig þá um að nefna einhvern sérstakan leik.. ég spurði hann þá út í Miami leikinn sem ég fór á sem þeir töpuðu í framleggingu.. kallinn var ekki lengi að svara því og skellti allri skuldinni á dómarana! flottur!

Það sem ég hlakka mest til núna er að fá Ásgeir og Huldu í heimsókn til mín en þau eru að koma núna á fimmtudagskvöldið.. ég er búinn að útbúa svakalega dagskrá með alveg fullt af hlutum sem mig hefur langað til að gera en beðið með þangað til einhver kæmi í heimsókn eins og að fara út í Alcatraz og í vínsmökkunarferð upp til Napa og Sonoma.. Þau ætla sem sagt að veita mér félagsskap hér í rétt tæpa viku og það verður svo gaman að sína þeim borgina sem ég fíla meira og meira með hverri vikunni sem líður.. ég er búinn að reyna að vera að vinna sem mest af verkefnum fram í tímann svo ég þurfi nú að gera sem minnst af skóladóti meðan þau eru hérna..

Annars eru bara þrjár vikur eftir af þessum skólafjórðungi sem þýðir að tveimur vikum eftir að Ásgeir og Hulda fara þá er ég kominn í vorfrí – spring break! Ég hef aðeins verið að skoða hvað hægt er að gera og ég er allaveganna kominn með far til LA með einni stelpu úr bekknum mínum ef ég vill fara þangað.. það kom upp hugmynd að skella sér til mexíkó eins og svo vinsælt er hjá háskólakrökkum að gera í spring break en lögreglan hefur varað nemum mjög gegn því þetta árið því ástandið er víst mjög eldfimt við landamærin núna.. löggan er í einhverjum slag við eiturlyfjainnflytjendur þarna norðast í mexíkó þannig að ég reikna með að fara bara eitthvað sunnar í Kaliforníu, komst kannski aðeins á ströndina, kannski eitthvað í golf (Ásgeir og Hulda ætla að vera svo elskuleg og dröslast með settið mitt hingað).. en þetta er allt enn óákveðið.. ætla allaveganna að reyna að gera eitthvað skemmtilegt.. ég verð í fríi í tvær vikur en svo byrjar ný 12 vikna skólatörn.. líf og fjör!

Í skólanum erum við meira og meira að fá að spreyta okkur í taka viðtöl og virkilega koma því í verk sem við erum að læra.. við höfum mikið verið í hlutverkaleikjum þar sem við skiptumst á að vera annars vegar ráðgjafin og hins vegar skjólstæðingurinn.. ég hef lært alveg rosalega mikið á því og sérstaklega þegar maður er með viðtal kannski fyrir framan allan bekkinn – þá er eins gott að maður sé með sitt á hreinu! En það er bara gaman.. við höfum svo aðeins fengið að prófa að vinna aðeins með skjólstæðinga sem við þekkjum ekki, íþróttamenn sem eru að æfa og keppa.. það hefur verið alveg ótrúlega skemmtilegt og þá sér maður virkilega hvar maður stendur í þessu og hvað maður getur enn bætt sig mikið.. Í þessari starfsþjálfun hef ég áttað mig meira og meira á því að þetta sé það sem mig langi til að gera og ég held að ég sé þar sem ég eigi að vera.. hvað sem framtíðin ber svo í skauti sér..

Engar myndir í þetta sinn en það verða pottþétt myndir næst frá heimsókn Ásgeirs og Huldu og öllu því sem við erum að fara að gera.. ég kem með góða ferðasögu af því næst.. Endilega farið að plana heimsókn til mín, svo gaman að fá gesti og ég sakna allra á klakanum ótrúlega mikið.. en ekki svo mikið að ég ætli að flytja heim strax =)

Stay tuned for next post from Greenwich street!

Í óbeinni frá San Francisco!

já, ég er kominn aftur.. ég vil byrja á því að biðjast afsökunar á bloggleysi mínu. Það hafa margir hvatt mig áfram og sýnt einstaka þolinmæði en ég verð bara að viðurkenna að mér fannst eiginlega allt annað sem ég var að gera meira spennandi en að blogga. Nú er ég byrjaður aftur.. ég fékk digital myndavél í jólagjöf og lofa því myndum með hverri færslu núna (úff.. kannski að setja full mikla pressu á mig núna)..

Ég og mútta um áramótin

Ég bloggaði síðast 19 dögum fyrir heimferð á klakann og þá tók við próflestur og verkefnaskil til þess að klára fyrstu önnina mína í framhaldsnámi og í skóla annarsstaðar en á Íslandi.. Í fyrsta lagi var önnin ótrúlega fljót að líða en ég held að stór hluti af því hafi verið hversu gaman ég hef haft af náminu mínu hérna.. síðasta önn gekk vonum framar.. ég var einu prósentustigi frá því að vera bara með A en ég fékk einn A+ (sem þýðir 10 á íslensku) og var ég mjög stoltur af því.. árangur síðustu annar hefur bara hvatt mig til þess að halda áfram á sömu braut og njóta þess tæifæris sem felst í því að geta verið hérna úti.. ég er alltaf að fíla námið betur og betur og þetta er líka smám saman að færast út í meiri praktík þar sem okkur er hreinlega hent út á völlinn til þess að fá þjálfun í því sem við erum að læra.. ég byrja því með mín fyrstu viðtöl á þessari önn.. bara gaman..

Jólafríið heima á Íslandi var algjör draumur.. órtúlega gott að koma heim, knúsa famelíuna, láta múttu stjana við sig, borða góðan mat.. og já, fullt af nammi og smákökum.. ég geri mér alltaf grein fyrir því meira og meira hérna úti hvað fjölskyldan og vinir eru stór hluti af mér og hvað ég er heppinn að eiga svona góða að.. ég hef líka haft gott af því að vera hérna úti og virkja sjálfstæðið í sjálfum mér.. ég skemmti mér frábærlega með vinunum og það er alveg á hreinu að þessi vinahópur klikkar aldrei! ég keypti hins vegar bara flug aðra leiðina hingað út því það er ekki víst hvenær ég kem heim til Íslands aftur, kannski ekkert fyrr en næstu jól. Skólinn hjá mér skiptist í fjórar annir sem ná yfir allt árið með ca. viku-10 daga á milli anna. Það þýðir að ég er í skólanum næsta sumar líka. Ég ætla þó að reyna að komast heim fyrstu vikuna í ágúst.. reyndar ekki til að fara á Þjóðhátíð (þó það væri frábært að komast á þá 10. í röð) heldur til þess að komast í brúðkaup Jakobs vinar míns, það fyrsta af vinum mínum.. en ég verð að sjá til hvort ég fái frí í skólanum til þess.. þangað til verð ég bara að treysta á heimsóknir ykkar til Kaliforníu.. Ásgeir og Hulda ætla að vera þau fyrstu til þess að heimsækja mig hingað til San Francisco í byrjun mars og ég hlakka ekki lítið til að fá þau og sína þeim borgina sem ég fíla meira með hverjum deginum sem líður..

En já, það er rétt.. ég er fluttur inn í borgina! Ég ákvað að segja skilið við Pleasant Hill enda búin að kynna mér allt sem hægt er að kynna sér í þessum smábæ á þeim þremur mánuðum sem ég bjó þar.. það var alveg meira en nóg.. steindauður bær þar sem lítið sem ekkert var um að vera.. það var samt mjög gott að vera svona nálægt skólanum fyrst eftir að ég var að koma mér fyrir hérna úti en þar sem ég sé fram á að vera hérna í 2-3 ár þá þurfti ég að fara eitthvert þar sem það er meira líf í kringum mig og meira um að vera.. San Francisco hefur ekki gefið neitt eftir í því.. alltaf eitthvað nýtt á hverjum degi! Ég flutti sem sagt í lítið herbergi á einum besta stað í borginni.. ég bý í götu sem heitir Greenwich street og hún er á mörkum hverfa sem kallast Cow Hollow og Marina. Þetta þykja ein flottustu hverfin í borginni og er mikið af stórglæsilegum húsum hér.. þó mitt hús sé flott þá eru mörg mikið flottari.. hérna bý ég með tæplega sextugri konu sem upprunalega er frá Víetnam en hefur búið í San Francisco í yfir 20 ár.. hún er algjör snillingur, hún vinnur við að kaupa og selja veitingastaði, fylgist mikið með pólitík og því sem er að gerast í fréttum á milli þess sem hún eldar handa hundinum sínum Dino – sem er þriðji heimilismeðlimurinn.. eftir að ég kom hingað út er ég bara búinn að vera að koma mér fyrir, halda í við skólann sem byrjaði af krafti og reyna að vera eins duglegur og ég get við að kynna mér borgina..

ég er byrjaður að æfa fótbolta hérna út með liði sem ber viðeigandi nafn, FC Vikings, þar eru gaurar hvaðan af sem er úr heiminum.. fínt að geta sparkað smá bolta svona til að hrista af sér jólaspikið.. annars er ég líka búinn að finna mér ótrúlega góðan hring til að fara út að skokka.. það eru gjörsamlega allir hérna úti að skokka þannig að maður neyðist bara til að taka þátt.. hérna kom tvær myndir sem ég tók þegar ég rölti smá hluta af skokk hringnum mínum.. kem með fleiri seinna..

Ströndin við endann á Fisherman's Wharf

Alcatraz blasir við þegar ég hleyp niður hæðina

Það mun verða styttra þar til ég blogga næst og fleiri myndir!

What happens next on Greenwich street?!

19 dagar í klakann!

Sæl veriði… þýðir ekkert að vera annað en að vera sæll og glaður á krepputímum.. sérstaklega þegar gengið er svona ands#&$%#, djö#$&, helv#$& “hagstætt”.. en nóg um það.. það eru að koma jól – brosa =)

Ég fékk fyrstu lokaeinkunina mína í gær. Fór á fund með prófessornum þar sem hann fór yfir allt sem við gerðum á námskeiðinu og A- var niðurstaðan (fyrir þá sem kannast ekki við bókstafakerfið þýðir A- 90-94% af 100%). Prófessorinn sagði ritgerðina mín hafa verið einstaklega góða og að hún hafi verið mjög ánægð með þátttöku mína í tímum (athyglissjúklingurinn ég) þar sem ég hafi oft komið með vel útfærðar athugasemdir um efnið. Ekki slæmt. Það litla sem dró mig niður voru skyndiprófin sem við tókum á fyrstu vikunum en þá var ég ennþá að læra á prófin hérna og var því að gera klaufavillur. En mjög sáttur með að byrja einkunnaspjaldið með A! Vona að það fari bara ekki niður stafrófið.. B, C, D.. það væri verra.

Í dag: skila inn verkefni og fara í skyndipróf. Á morgun: fyrirlestur, ritgerðarskil og skyndipróf. Sunnudaginn: ritgerðarskil. Næsta vika er svo upprifjunarvika og í vikunni þar á eftir fer ég í tvö lokapróf. Þessi fjórðungar er því að vera búinn. Búið að vera skuggalega fljótt að líða enda búið að vera mjög skemmtilegt.

Ég kem á klakann morguninn 21. des og fer aftur út 9. jan. Ætla svo að njóta þessara 3 vikna vel. Liggja í leti á milli þess sem ég skemmti mér með vinum og fjölskyldu. Svo þegar ég kem hingað út aftur verður byrjað að hlýna. Strax í mars verður meðalhitinn kominn yfir 20 gráðurnar. Þannig að það er allt í lagi að láta sér verða aðeins kalt þegar ég kem heim.

Ég fór á NBA leik í Oracle Arena í Oakland í gær. Félagi minn fann miða á netinu á geggjuðum stað á fínu verði (dollaraverð – ekki gengisverð) Við sáum Miami Heat leika við Golden State Warriors og þar sem við búum nú hérna í nágrenninu þá að sjálfsögðu héldum við með The Warriors. Þvílíkur leikur. Þetta var í annað sinn sem ég fer á NBA leik og síðast þegar ég fór þá var leikurinn þríframlengdur þannig að ég sagði við strákana að leikir sem ég færi á í NBA deildinni yrðu alltaf framlengdir.. og sú varð raunin. The Warriors höfðu leitt allan leikinn er hleyptu Dwayne Wade af stað í síðasta fjórðungnum og þegar stutt var eftir jafnaði hann með 3. stiga körfu. Leikurinn fór því í framleggingu og þegar um 20 sek voru eftir þá voru The Warriors 4 stigum yfir. Forskot sem á ekki að vera hægt að glata niður. Með einhverjum ótrúlegum hætti þá tókst Miami þó að sigra.. ég orðinn hás af öllu öskrinu og þvílíkt svekktur að “mínir menn” hefðu tapað leiknum. Það er sagt að stemningin sé einna best í Oracle Arena í NBA deildinni. Ég get ekki vottað fyrir það enda bara farið á tvo leiki en stemningin var fáránlega góð. Fólk stóð, öskraði og klappaði allan leikinn.. og ekki skemmdi fyrir að leikurinn var jafn og spenanndi. Við erum þegar búnir að plana að fara á annan leik 9. feb þegar San Antonio kemur í heimsókn en félagi minn heldur með því liði.

Jæja, þarf að fara að undirbúa fyrirlestur…

Stay tuned!

Laufblauð falla, á allt og alla…

…og 27 dagar þar til ég kem á klakann. Ég er farinn að hlakka frekar mikið til að koma heim um jólin. Búið að vera nóg að gera í skóla, hlakka til að komast heim, fá gott að borða, smákökur, macintosh og jólaöl.  Hlakka líka ótrúlega til að hitta alla vinina, bæði til að kíkja út og líka bara til að liggja undir teppi og horfa á dvd eða taka gott spilakvöld.

Annars var ég í lokaprófi síðasta mánudag. Það gekk bara ágætlega held ég, ekki búinn að fá einkunina ennþá en ég er samt búinn með fyrsta fagið mitt hérna út. Ekki lengur tíma á mánudögum fram að jólum. Ég á svo bara eftir að skila einni ritgerð í örðu fagi og þá er ég búinn með það en ekki lengur tímar á fimtudögum. Það þýðir að ég er bara í tíma á þriðjudögum og miðvikudögum. Það er mjög notalegt þar sem það eru alltaf brjáluð skil fyrir þessa tvo tíma. En síðan er líka fínt að hafa fimm daga helgi =)

Á föstudaginn varð í fyrsta skiptið vitni að samskonar starfsþjálfun og ég mun vera í á næsta ári. Í einu faginu hérna fengum við sem sagt það verkefni að fylgjast með 2. árs nema vinna með sitt lið. Ég komst í samband við stelpu sem er að vinna með kvenna tennis liðið í University of San Francisco og fékk að fylgjast með hópfundi hjá henni. Hún er sem sagt búin að vera að vinna með þessu liði undanfarna mánuði, er með hópfundi einu sinni í viku og svo reynir hún að hitta hvern og einn leikmann einu sinni í viku. Síðan reynir hún að fylgjast með æfingum og þegar þær eru að keppa eins mikið og hún getur. Það var ótrúlega gaman að sjá svona dæmi um það hvað ég er að fara að gera. Starfsþjálfunin er það sem ég hlakkaði mest til hérna og var ein af stóru ástæðunum fyrir því að ég sótti um í þennan skóla. Ég ætla að leggja mikla áherslu á að koma að hjá einhverju spennandi liði á næsta ári.

Á laugardaginn fórum svo ég og Patrick félagi minn á fyrstu beinu útsendingu Youtube sem var haldin á Fort Mason bryggjusvæðinu í San Francisco. Þegar við komum út úr strætóinum og vorum að labba að staðnum blasti við manni Alcatraz í allri sinni dýrð sem minnti mig bara á bíómyndina The Rock og svo Golden Gate brúin. Frekar flott svæði. Það tók okkur svo smá tíma að fá miða þegar komið var niður á svæðið en meðan ég beið var mér litið til hliðar og þá stóð bara Will.I.am (gaurinn sem var í Black Eyed Peas) við hliðina á mér. Siðan þegar við komum inn sáum við m.a. Mythbusters, fáranlega fyndinn grínista Bo Burnham, Katy Perry tök lagið Hot N Cold, Will.I.am var auðvitað með sitt framlag og fleiri góð atriði. Snilldar show hjá Youtube. Í lok showsins fengum ég og Patrick okkar tækifæri til 15 sek frægðar. Við stóðum upp við annað sviðið og þá kemur einhver starfsmaður upp að okkur og spyr hvort að við viljum labba með Akon upp að sviðinu. Við afþökkuðum pent en það er hægt að sjá skuggamyndina af okkur báðum í byrjun þessa myndbands af atriðinu. Skil ekki enn af hverju ég fór ekki. En Eftir þetta ákváðum við nú bara að skella okkur aðeins út á lífið í borginni áður en við þyrftum að ná bartinu (lestarkerfið hérna) aftur til Pleasant Dump eins og P. komst svo skemmtilega að orði.

Það er farið að kólna soldið hérna í Californiu – já, það gerist víst! Hitinn á daginn er farinn að fara undir 20 stiginn og alveg niður í 5-6 gráður á nótunni. Það er því skítakuldi hérna snemma á morgnanna og seint á kvöldin. Þið tókuð kannski eftir að ég sagði “snemma á morgnanna” en já, ég er að vakna mun fyrr hérna en heima á klakanum. Held að það hafi eitthvað með skammdegið að gera. Mjög sáttur að vera laus við það. Hérna dimmir bara kl. 18 og það birtir kl. 8. En eins og ég sagði áðan þá hlakka ég samt órtúlega að koma heim um jólin í kuldann og skammdegið, njóta þess í þrjár vikur og geta svo farið aftur út í hitann!! =)

Stay classy San Diego – þeir töpuðu í Sunday Night Football leiknum sem ég var að horfa á.

Don’t miss the next exclusive story from Pleasant Hill!

Ekki lengur í fyrsta skiptið – ný fyrirsögn!

Afsakið letina í mér.. ég er þvílíkt ángægður með þessa pressu sem þig eruð að setja hérna á mig. Þarf á þessu að halda þegar ég virðist þurfa að kreista blogg-andann úr flöskunni. En ástæðan fyrir bloggleysinu er ekki sú að ég sé orðinn ástfanginn eins og Elli ætlaði að halda fram í commenti við síðustu færslu (hehehe..). Það er bara einfaldlega búið að vera svo mikið að gera í skólanum. Það er frekar takmarkað hvað maður nennir að skrifa um skólatengtefni á þessu bloggi. En það er kannski eitthvað sem ég get týnt til.

Það sem ég og félagar mínir hérna gerum helst til að lifta okkur aðeins upp og taka hugann frá bókunum er að kíkja út i nokkrar ölkönnur. Við erum þegar komnir með uppáhaldsstað á fimmtudögum. Ég verð samt að taka það fyrst fram að hverfispöbbinn í mínum yndislega bæ Pleasant Hill kallast Maggoo’s og er hræðilegur! Fastagestir eru truckdrivers og mótorhjóla”töffarar” yfir fertugt! Spennandi ekki satt? Þess vegna höfum við á fimmtudagskvöldum (er ekki í tíma á föstudögum) farið niður í Walnut Creek sem er bær svona 10 min héðan á írskan bar sem heitir Dan’s og dillað bossanum við geislandi 80′s cover tónlist hljómsveitarinnar Spazmatics. Þetta er alveg snilldarband. Þeir klæða sig upp sem nördar (sjá mynd) og leggja mikið upp úr því að spila sín hlutverk sem slíkir. Úr því verður alveg snilldar show og tækifæri til að svitna á enninu og harðsperrur í kálfana. En síðasta laugardag langði mér og félaga mínum að gera eitthvað nýtt þannig að við skelltum okkur aðeins til Berkeley. Mjög flottur bær. Fullt af háskólakrökkum en við vorum svo stutt þannig að það er ekki mikið að segja frá.

Útsala í Macy’s. Já, það er rétt. Í mollinu fína hér í Pleasant Hill var útsala bara í karladeild Macy’s. Það vildi svo heppilega til að ég var staddur þar inni þann dag. Í “kreppunni” skellti ég Nike jogging buxum, Nike jakka, Calvin Klein boxerum og Tommy Hilfiger hettupeysu á búðarborðið og renndi kortinu í gegn. Segið svo að maður lifi ekki draumalífi hér í ameríkunni.

Nýjasta æðið mitt núna þegar ég nenni ekki að læra meira er að horfa á uppistönd (skrítið orð) á Youtube og Google Videos. Hægt að finna ótrúlega mikið af fáránlega fyndnu efni þar. Horfði á uppistand með Dane Cook í gær. Mæli með að þið kíkið á það hér. Næsta er svo að skella sér á comedy club í borginni en það verður að bíða þar til skólinn fer að róast.

Í lokin, vegna mikillar eftirspurnar, verð ég að minnast aðeins á forsetakosningarnar hérna. Ég verð bara að viðurkennar það fúslega að mér finnst mjög skrítið að upplifa meiri áhuga á Bandarísku forsetakosningunum hjá fólkinu á klakanum en nokkur tímann kananum. Ég vildi Obama sem forseta og var ánægður að hann var kosinn. Það var nú bara sérstaklega útaf utanríkisstefnu hans sem er ekki eins her-væn eins og MaCains. En ég get sagt ykkur það að við vorum í tíma þegar tilkynnt var um sigur um Obama. Ég las það á netinu á tölvunni minni og tjáði bekknum mínum að þau væru komin með nýjan forseta. ÞAÐ VAR ÖLLUM DRULLU SAMA! Það kom ekki einu sinni “ok”. Það var eins og ég hefði sagt þeim að íslenska landsliðið hafi unnið handboltaleik! (btw, slétt sama um Ísland og vita ekki hvað handbolti er). Það voru bara allir ótrúlega ánægðir með að þetta væri búið að þá þyrftu þau ekki að vera fyrir öllu þessu áreiti sem fylgdi kosningabaráttunni. Ég fékk virkilega fleiri spurningar frá Íslendingum um hvernig hefði verið að verar hérna þegar kosið var heldur en nokkurn tímann viðbrögð frá heimamönnum.

Jæja það bíða mín þrjár ritgerðir, ein rannsókn, lokapróf á mánudaginn og slatti af skemmtilegum bókaköflum. Ég hlakka samt til eftir ca. viku. Þá verð ég búinn með mánudags og fimmtudagstímana og fram að jólum verð ég bara í tímum á þriðjudögum og miðvikudögum. Þá verður lífið aðeins bærilegra.

Þangað til næst!

The life goes on in… Pleasant Hill!

Í fyrsta skipti…

Ég er að upplifa ansi marga hluti í fyrsta skipti núna. Kannski ekki skrítið þar sem ég hef aldrei verið svona lengi annarsstaðar en á litla kalda klakanum. Það var líka hluti af þessu ævintýri mínu. Fara nánast hinum megin á hnöttinn í nám og sjá hvað gerist.

Á föstudaginn var hrekkjarvaka hérna í kanaveldi. Það er rosalegt hvað þessu er tekið alvarlega hérna. Í fjölskylduhverfinu mínu hérna var nánast hvert einasta hús (og garðurinn líka) skreytt með graskerum, draugum og alls konar ljósaskrauti. Gaman að sjá svona hátíð sem við höfum ekki heima. Sambýlingurinn minn hélt svaka partý og skreytti sjálf allt húsið. Mjög flott hjá henni. Það var meira að segja strope ljós, reyktæki og þurrís. Talandi um að taka þetta alla leið! Ég gat reyndar ekki tekið djammið með þeim þar sem einn kennarinn var svo skemmtilegur að hafa tíma á laugardeginum eftir hrekkjavöku og það frá kl. 9 til kl. 15.30 – sex og hálfur tími takk fyrir! Og þetta var ekki einu sinni skemmtilegur tími. En hinsvegar var mjög gaman að taka á móti öllum krökkunum sem komu og spurðu um “trick or treat”. Þau voru öll í mismunandi búningum og auðvitað var hún Robyn, sambýlingur, búin að kaupa nammi í skál til að gefa krökkunum sem komu. Hún var svo upptekin að gera allt klárt fyrir partýið að ég sá um það að gefa krökkunum nammið. Mér fannst mest fyndið þegar svona 14-15 ára krakkar komu og ég spurði hvað þau væru, svarið var einfalt, “casual friday”. Þau voru með þetta allt á hreinu, ætluðu sko að fá sitt nammi.

Á föstudaginn rigndi líka í fyrsta skipti í þann mánuð sem ég er búinn að vera hérna. Þetta var enginn venjuleg rigning, þvílíkt úrhelli. Það var nú ekki svo mikil rigning þegar ég hjólaði í skólann á laugardaginn en þegar ég hjólaði heim þá voru stundum svo stórir pollar á götunum að það var eins og reyna að komast í Þórsmörk að hausti til. Ok, kannski ekki alveg, en ég varð rennandi blautur í gegn. Síðan þegar ég var orðinn vel blautur, þá fannst mér þetta eiginlega bara gaman. Langaði bara að fara aftur út og bruna í stærstu pollana sem ég fyndi. Væri svo gaman að vera 12 ára aftur.

Í nótt upplifði ég svo fyrsta skiptið þegar klukkunni er seinkað. Ég var vakandi í fyrrinótt til kl. 2. Svo þegar klukkan sló 2, varð hún strax aftur 1. Mjög þægilegt þar sem ég hafði vakað gjörsamlega að ástæðulausu og gat því samviskusamlega farið að sofa klukkan 1. Öllu skárra en klukkan tvö. Græddi þarna heilan klukkutíma. Vildi óska þess að þetta væri svona á hverjum sunnudegi.

En núna þarf ég að fara að halda áfram að læra fyrir miðannarprófið í Siðfræði og fagmennsku. Alveg ótrúlega skemmtilegt – ekki beint!

Tonight on Pleasant Hill!

Stutt færsla!

Ég ætla að skrifa eina stutta færslu af því að ég veit að sumir vinir mínir eru svo latir að þeir hafa engan veginn nennt að lesa allt það sem ég er búinn að vera að skrifa. Þetta verður því svona eins og auðlesna efnið í Morgunblaðinu – samt ekki!

Ég hélt fyrsta fyrirlesturinn minn á ensku í gær. Það gekk snilldarlega. Var líka búinn að æfa mig frekar mikið. Fyrirlesturinn var um markmiðasetningu og mikilvægi þess að setja sér skammtímamarkmið sem leiða svo að langtímamarkmiðinu. Kennarinn var ánægður og krakkarnir í bekknum mjög hrifnir. Þá get ég nú ekki mikið kvartað. Annars er ég ekki með fullt hús lengur fyrir prófin og verkefnin. Róðurinn aðeins að þyngjast, eru að koma inn fleiri orð sem ég skil ekki og á erfitt með að muna. Og síðan eru kennararnir farnir að vera strangari á smáatriðum.

Annars ætlar Robyn sambýlingur minn að vera með Halloween partý hérna heima á föstudaginn, verður gaman að sjá það. Ég get reyndar ekki mikið verið með þar sem það er tími hjá mér allann laugardaginn. Bekkurinn minn ætlar svo að koma til mín eftir tímann á laugardaginn og við ætlum að lyfta okkur aðeins upp enda vikan búin að vera strembinn. Þrjú próf, tvær ritgerðir og eitt skilaverkefni plús slatti mikill lestur.

Lengra verður það ekki i bili!

Stay tuned for the next episode of Pleasant Hill!

The Bridge School Benefit!

Ég fór á svo þvílíkt góða tónleika í dag að því verður varla líst með orðum… en ég ætla samt að reyna. Um er að ræða árlega styrktartónleika Neil og eiginkonu hans Pegi Young til handa The Bridge School sem er skóli fyrir krakka með alvarlega tal- og /eða hreyfihömlun. Í ár voru þessir tónleikar haldnir í 22. árið í röð og er Neil Young sá eini sem hefur spilað á þeim öllum en hann hefur fengið hina ýmsu listamenn með sér í lið gegnum árin. Árið 2006 spiluðu t.d. Dave Matthews Band, Foo Fighters og Pearl Jam og í fyrra bættust á listann Metallica, Jerry Lee Lewis og John Mayer. Margir fleiri listamenn koma fram á þessari hátíð sem nær yfir eina helgi. Það skemmtilega er að það er hefð, frekar en regla, að allar hljómsveitirnar spili acoustic sem brýtur oft upp hinn einkennandi stíl listamannanna sem fram koma.

Þetta árið létu 10 listamenn ljós sitt skína í þágu góðs málstaðs. Tveir listamenn komu aðeins fram í gær, laugardag og sá ég þá því ekki. Það voru Sarah McLachlan og Band of Horses. Í dag, sunnudag, var hinsvegar hver listamaðurinn sem toppaði annan. Fyrst á svið var Cat Power. Ég hafði aldrei heyrt af þessari hljómsveit áður en hugljúfur flutningur söngkonunar, sem minnti óneitanlega á Emilíönu Torrini, var góð byrjun á deginum. Ég og félagi minn voru komnir suður til Mountain View (þar sem tónleikarnir eru haldnir) rétt fyrir hádegi og tónleikarnir áttu að byrja klukkan tvö. Það sem við vissum ekki var að þeir væru til kl. 21.30, allir bestu listamennirnir seinast (að sjálfsögðu) og því tæplega 10 klukkutíma tónleikar framundan.

Eftir Cat Power stigu svo á svið Death Cab for Cutie og þegar þeir fluttu lagið sitt “I Will Follow You Into The Dark” skaust upp fyrsta gæsahúð dagsins… og það af mörgum! Söngvarinn, einn með gítarinn á sviðinu, flutti lagið snilldarlega og bara það var nóg til að fullkomna þeirra frammistöðu.

Eftir þeim kom svo hljómsveitin Wilco. Önnur hljómsveit sem ég kannaðist ekki við. Kannski síðsta hljómsveit dagsins en fyrir lokalagið læddi Neil Young sér á sviðið með þeim og það lag kallaði fram gæsahúð dagsins númer tvö!

Smashing Pumpkins eru komin aftur (ef þið vissuð ekki af því)! Ég hafði reyndar séð þau í Tívolíinu í Danmörku fyrir langa löngu en man ekki svo mikið eftir því. Þau tóku nokkur ný lög sem maður kannaðist lítið við en í gamla slagaranum “Disarm” kom enginn annar en Josh Groban á sviðið og söng með hljómsveitinni. Fáránlega flott útgáfa af þessu frábæra lagi. Og þetta er komið strax á Youtube!! (Kaninn!!)

Josh Groban steig svo sjálfur á svið á eftir Smashing Pumpkins og söng nokkur af hans eigin lögum. Ekkert lög sem fara á partý playlistann en þessi maður getur sko sungið! Þetta er fagmaður fram i fingurgóma, gaf sig allan í þetta og leyfði skólakrökkunum á sviðinu að finna að hann var þarna fyrir þau. Virkilega gaman að hafa séð hann á tónleikum.

Þegar hann var svo búinn var komið að drottningunni Norah Jones. Ekki nóg með hvað þessi stelpa er ótrúlega falleg þá er hún sjúklega fær í því sem hún gerir. Spilaði til skiptis á gítar og píanó og söng eins og enginn væri morgundagurinn. Hún sagðist ekki hafa spilað á tónleikum í meira en ár en það var hvorki að sjá né heyra. Tók meira að segja nokkur skot á sitjandi Bandaríkja forseta sem var mjög fyndið. En “Come Away With Me” og “Sunrise” gáfu vænan skammt af gæsahúð og gaman að heyra þessi lög flutt live.

Það var þó einn maður sem ég var að bíða eftir og það var Jack nokkur Johnson. Ég hafði þvílíkar væntingar fyrir því að sjá hann live og hann stóð svo fullkomlega undir öllum þeim væntingum. Hann byrjaði á því að taka lagið “Bubble Toes” sem var algjör snilld. Lögin voru í svo skemmtilegum búningi að maður þekkti þau ekki alveg strax. Næsta lag var snilldar útgáfa af “Banana Pancakes” þar sem m.a. var spilað á harmonikku. Eftir því tók hann “Good People” og á eftir því fylgdi “Better Together”. Þrjú af mínum uppáhaldslögum með kappanum og þau öllu í röð!!! Fáránleg gæsahúð!!! Hér fyrir neðan má svo sjá kappann taka eitt af lögum sínum á tónleikunum.. aftur – Kaninn!!!

Hér má sjá frekari upplýsingar um þessa tónlistarveislu á Wikipedia. Rétt upp hönd þeir sem ætla að koma með mér á næsta ári því ég ætla svo bókað að fara!

Today it was Mountain View but tomorrow we’re back in Pleasant Hill!

Brand new episode of – Pleasant Hill!

Velkomin/n á bloggið mitt og takk fyrir innlitið!

Ég vil byrja á því að lýsa yfir gremju minni yfir því að komast ekki í Afmæli Aldarinnar!! Þrír vinir mínir eru að halda líka þetta svakalega partý og ég er fastur í sólinni í Californiu (hélt aldrei að ég myndi segja þetta). Ásgeir bauð meira að segja vinum mínum í partýið. Ég veit ekki alveg hvort það var til að gera mig ennþá svekktari yfir því að komast ekki eða vegna hans einstöku góðmennsku. Vona svo sannarlega að það hafi verið það síðarnefnda. En ég vona að þetta verði ógleymanlegt kvöld, sem ég veit reyndar að þetta verður (alls engin öfund) og ég verð með ykkur í anda hér hinum megin við Atlantshafið. Nóg um það!

Skólinn fer bara vel af stað. Ég er búinn að fá til baka úr fyrstu tveimur skyndiprófunum og fyrstu tveimur skilaverkefnunum. Kallinn er bara með fullt hús! Hæstu einkunn í öllu. Ég ætla þó að vera raunsær, ég veit að prófin og verkefnin eiga eftir að þyngjast og kennararnir sögðu líka eiga eftir að vera strangari í því að fara yfir. Ég er samt ótrúlega sáttur með þetta og ángæður með hversu fljótur ég hef verið að aðlagast enskunni. Það tekur mig samt aðeins lengri tíma en hina að vinna úr efninu en ég veit að hraðinn kemur bara með tímanum.

Bekkurinn minn er kominn með hefð. Alltaf fyrir tíma á fimmtudögum ætlum við að hittast og borða saman á einhverjum veitingastað. Það er kannski ekki svo merkilegt nema að við köllum það Thirsty Thursdays og fáum okkur alltaf einn drykk, og þá meina ég kokteil, fyrir tímann. Við erum búin að hittast tvisvar núna og þetta skapar ótrúlega góða stemningu í hópnum. Í bæði skiptin hafa líka allir mætt nema fjölskyldufólkið, þau eru þrjú, við hin erum níu. Þetta er svona tilraun til að gera fimmtudagstímana, sem eru eiginlega minnst áhugaverðir, aðeins skemmtilegri.

Annars er ég að fara á Jack Johnson tónleika á sunnudaginn. Þetta eru reyndar ekki bara Jack Johnson tónleikar heldur líka Neil Young, Norah Jones, Smashing Pumkins og einhverjir fleiri. Hlakka frekar mikið til! Hægt er að sjá upptalninguna hér: http://www.livenation.com/edp/eventId/337865

Haldið annars áfram að hafa samband með því að commenta hér, á facebookið eða msninu. Maður er farinn að finna fyrir því núna hvað maður á góða að á klakanum (og reyndar annarsstaðar) og hvað maður saknar fólksins síns.

Pleasant Hill – to be continued…